Kuch din

Kuch din tau baso meri aankhon mein
Phir Khawab agar ho jaao tau kiya

Koi rang tau dau mere chehray ko
Phir zakham agar mehkaao tau kiya

Jab hum hi na mehkay phir sahib
Tum baad-e-saba kehlaao tau kiya

Ik aaina tha so toot gaya
Ab khud se agar sharmaao tau kiya

Tum aas bandhaanay waalay thay
Ab tum bhi humain thukraao tau kiya

Duniya bhi wohi aur tum bhi wohi
Phir tum se aas lagaao tau kiya

Main tanha tha main tanha hoon
Tum aao tau kiya na aao tau kiya

Jab dekhnay wala koi nahin
Bujh jaao tau kiya gehnaao tau kiya

Ik weham hai yeh is duniya mein
Kuch kho-o tau kiya aur kuch paao tau kiya

Hai yun bhi ziyaan aur yun bhi ziyaan
Ji jaao tau kiya mar jaao tau kiya