Sitaron se aage jahan aur bhi hain
Abhi ishq ke imtehan aur bhi hain
Tahi zindagi se nahi yeh fazayein
yahan saikron karwan aur bhi hain
Qanaat na kar alam-e-rang-o-bu par
Chaman aur bhi, ashiyan aur bhi hain
Agar kho gaya ek nasheeman to kya gham
Maqamat-e-ah-o-fugan aur bhi hain
Tu shaheen hai parwaz hai kaam tera
Tere saamne asman aur bhi hain
Isi roz-o-shab mein ulajh kar na rah ja
Keh tere zameen-o-makan aur bhi hain
Gaye din k tanha tha main anjuman mein
Yahan ab mere raazadan aur bhi hain
Abhi ishq ke imtehan aur bhi hain
Tahi zindagi se nahi yeh fazayein
yahan saikron karwan aur bhi hain
Qanaat na kar alam-e-rang-o-bu par
Chaman aur bhi, ashiyan aur bhi hain
Agar kho gaya ek nasheeman to kya gham
Maqamat-e-ah-o-fugan aur bhi hain
Tu shaheen hai parwaz hai kaam tera
Tere saamne asman aur bhi hain
Isi roz-o-shab mein ulajh kar na rah ja
Keh tere zameen-o-makan aur bhi hain
Gaye din k tanha tha main anjuman mein
Yahan ab mere raazadan aur bhi hain