Haqeeqat E Husn

Khuda Se Husn Ne Ek Roz Yeh Sawal Kia
jaha'n Mein Q Na Mujhe Tu Ne Lazawal Kia

Mila Jawab K Tasweer Khana Hai Dunia
Shab E Daraz E Adam Ka Fasana Hai Dunia

Hoi Hai Rang E Taghghayyar Se Jab Namood Iski
Wahi Hasee'n Hai Haqeqat Zawal Hai Jis Ki

Kaheen Qareeb Tha, Yeh Guftugu Qamar Ne Suni
Falak Pe Aam Hoi, Akhtar E Seher Ne Suni

Seher Ne Tare Se Sun Kar Sunai Shabnam Ko
Falak Ki Bat Bata Di Zamee'n Ke Mehram Ko

Phir Aaye Phool Ke Ansuo'n Payam E Shabnam Se
Kali Ka Nanha Sa Dil Khoon Ho Gaya Gham Se

Chaman Se Rota Huwa Mousam E Bahaar Gaya
Shabaab Sair Ko Aaya Tha, Sogwaar Gaya


Allama Iqbal Rehmatullah Alaih