Ek Mohray Ka Safar (A Journey Of Pawn)
Jab wo kum umar hee tha
Us nay jaan liya tha kay agar jeena hay
Bari Chalaki say jeena ho ga
Aankh ki Aakhree had tak hay basat-e-hasti
Aur wo mamouli sa ek mohra hay
Ek ek Khaana bhot soch kay chalna ho ga
Bazi aasan nahi thi is ki
Door tak chaarou taraf phalay thay
Mohray
Jalad, Nahayat safak, Bay rayham
Sakht Bay rayham, Bhot hee Chalak
Apnay kabzay may leeay pori basat
Us kay hisay may faqt Maat Leeay
Wo jidhar jata, Usay milta tha
Har naya khaana, Nayee Ghaat leeay
Wo magar bachta raha, chalta raha
Ek ghar, dosra ghar, teesra ghar
Pass aya kabhi auorou kay
Kabhi door howa
Wo magar bachta raha, chalta raha
Go kay mamouli sa mohra tha magar jeet gaya
You wo ek roz bara mohra bana
Ab wo mahfooz hay ek khaanay may
Itna mahfooz kay dushman to alag
Dost be pass nahi a saktay
Us kay ek hath may hay jeet us ki
Dosray hath may Tanhayee hay.